Russesokker

Hei! Har strikka to par russesokker igjen , det har blitt ganske mange slike par dei siste åra. Synest det er fine og gode sokker og ikkje minst er dei kjekk å strikke. Har gitt mange slike par i gave og eg har solgt ganske mange, har strikka ein del på bestilling og. Desse er laga i ein blanding av Silja og pt5, strikka på pinne 3,5.
No er jo sommaren snart på hell og det er bruk for varme gode sokker om ikkje så lenge. Men ikkje enno for i dag er det varmt og sola titter fram innimellom. Har hatt nokre dager fri no og det har vore godt!! No er det to dager med arbeid og så er det helg og då skal eg i bryllup til ein nevø, det blir kjekt:) Ha det fint alle sammen!

Skjeive sokker

Hei! Var på ein bloggrunde i går og då kom eg over desse sokkane inne på Monai sin blogg. Synest dei var så artige at eg fekk lyst til å strikke dei, suste avgårde og kjøpte garn og satte i gang.
Dei er strikka i perfekt på pinne nr 3,5 dei var raske å strikke.
Mønsteret er det Tone M. som har laga, og her kan du finne det.
Vert nok varme og gode til vinteren, men den er heldigvis langt unna enno!! I dag har vi hatt sommar igjen, sol og varmt fint vær. Ha ein fin søndagskveld:)

Nissemor

No er eg ferdig med eit eller eit halvt av prosjekta mine. Nissemor er ferdig påkledd mens nissefar ligg på vent, det er lenge til jul men dette skal vera ei gave som skal giast vekk før den tid.

Nissen er ferdigkjøpt og kleda er strikka i juvel på pinne 3,5. Kjekt arbeid men ganske tidkrevjande:) Synest den vart ganske fin og håper den vert godt likt.

Her set nissemor så aleine og forlatt og venter på sin make, takker for koselige helsingar og ynskjer alle ein fortsatt god dag:)

Fleire grytekluter

Hei, eg har visst komen inn i ein stim med grytekluter. Desse er og strikka i tuva på pinne nr 4. Synest det er artig å strikke slike, fint sommerarbeid.

Eg har ein del andre prosjekt på gang som eg håper på å få ferdig om ikkje så lenge! Har hatt fri denne helga og det er godt:)Veret har ikkje vist seg frå si beste side men ikkje frå den verste heller,overskya,litt regn og litt sol.Ha ei fin veke folkens:)